Performanca e OSHEE për 7-mujorin – 1.5 miliardë lekë më shumë të arkëtuara, paguhen 98.8% e faturave, Angelo Haruni/SCAN, 21 Gusht 2017
Kohërat kur shqiptarët nuk paguanin faturat e energjisë elektrike duken tashmë shumë të largëta, teksa sot ndërgjegjësimi për të shlyer detyrimet është shumë i lartë.
Konsumatorët e energjisë elektrike kanë derdhur në arkat e OSHEE për periudhën Janar-Korrik 37.1 miliardë lekë, ose 4.2% më shumë se një vit më parë.
Norma e arkëtimit ndaj faturës pararendëse ka arritur për këtë periudhë në 98.8%, një shifër pothuajse perfekte dhe shumë e larta krahasuar me nivelin 73% të katër viteve më parë.
Kontrollet në terren kanë rezultuar efektive në uljen e abuzimeve dhe sasisa e energjisë së shitur shënoi për këtë periudhë një rritje me 2.9%.
Ndërkohë, humbjet për OSHEE, si ato teknike për shkak të amortizimit të rrjetit, edhe ato joteknike, ndonëse ende në nivele shqetësuese, kanë shënuar një reduktim me 0.5% në fund të Korrikut 2017, duke u ndalur në 28.1%.
Në bilancin e publikuar nga vetë OSHEE, institucioni thekson se performanca do të kishte qenë edhe më e lartë sa i takon nivelit të humbjeve. Kjo për shkak të administrimit të përkohshëm nga drejtori teknik, çka solli një performancë negative për muajin Qershor në krahasim me vitin e kaluar.
Borxhi i keq, falë nënshkrimit të 390 mijë aktmarrëveshjeve të lidhura me abonentë familjarë e privatë, është ulur në 49.1 miliardë lekë, nga 67.8 miliardë lekë të krijuar në periudhën 2007-2014.
Disclaimer: The consultation of this article can be made through its original source. The authorship and the opinion expressed pertain to their authors. While every effort are made by Esc Adriatic to ensure the accuracy of which publication, it is not intended to provide legal advice as individual situations may differ and should be discussed with an expert and/or lawyer. For any specific technical or legal advice on the information provided and related topics, we offer to direct communication through “info@albaniaenergy.org”.
