Tregu i energji një mundësi e re për prodhuesit dhe kompanitë, Dr. Lorenc Gordani, 23 Prill 2017

Ligji i ri i energjive te rinovueshme tashme parashikon se konsumatorët mund jo vetëm te prodhojnë energji për nevojat e tyre por edhe t’ia shesin kompanisë së shpërndarjes, sasinë e tepërt të energjisë që nuk arrijnë ta konsumojnë.

Termat pro-konsumer, vetë-gjenerues dhe vetë-konsumatorë janë fjalë që mund te përdoren ne mënyrë të ndërsjellë. Por qëllimi është përdorimi i energjisë së prodhuar në vend nga një konsumator i energjisë për të reduktuar, të paktën pjesërisht, blerjen e energjisë elektrike nga rrjeti.

Kështu, përveçse se kursejnë në faturën e energjisë elektrike, familjet dhe bizneset që për shembull do të instalojnë panele diellore, tani mund të shndërrohen edhe në prodhues energjie. Për ketë OSSH-ja siguron lidhjen në rrjetin e shpërndarjes të gjithë palëve të interesuara.

EuroElektra ka lancuar instalimin e projekteve te vogla të energjisë së rinovueshme për familjet dhe biznese. Çdo shoqëri e vogël ose e mesme apo një klient familjar mund të instalojë një kapacitet total deri në 500 kW për prodhimin e energjisë elektrike nga era ose dielli për të mbuluar një pjesë ose të gjithë energjinë që nevojitet për nevojat e tij.

Proces i cili ndiqet ne bashkëpunim me kompanitë dhe institucionet përgjegjëse brenda periudhës një mujore (për me shume shih këtu ne formën e një prezantimi) fillon me ndjekjen e procedurave administrative nga EuroElektra.

Të gjitha punimet me karakter ndërtimor, linjat e furnizimit me energji elektrike dhe pajisjet kryesore të kabinave elektrike, qe duhet të kryhen nga kompani private merrem përsipër nga vet EuroElektra sipas direktivave të dhëna nga OSSH-ja. Projekt qe realizohen nga inxhinierë të licencuar duke respektuar dhe standardet teknike sipas normave të përcaktuara nga Operatori i Shpërndarjes.

Pra tashme kuadri i ri normative hap perspektiva shume te mira zhvillimi per konsumaratoret biznese apo familjare, qe duan te kursejnë, veçanërisht ne zonat ku rrezatimi është më i lartë por edhe për kompanitë private te cilat mund te zgjerojnë gamen e aktiviteteve te tyre.

Disclaimer: While every effort has been made to ensure the accuracy of this publication, it is not intended to provide legal advice as individual situations will differ and should be discussed with an expert and/or lawyer. For specific technical or legal advice on the information provided and related topics, please contact the author or the EuroElektra at the info@euroelektra.al, +355 42 476 501 and +355 682086560.

Lini një Përgjigje

Adresa juaj email s’do të bëhet publike.

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.