Tryezë diskutimi me përfaqësues të Bashkisë Tiranë, Këshillit Bashkiak dhe ekspertë të fushës, Tiranë, 1 dhjetor 2017

U zhvillua ditën e premte takimi me temë “Efiçenca energjetike në qytetin  e Tiranës” me përfaqësues të Bashkisë Tiranë, Këshillit Bashkiak, si dhe ekspertë të fushës. Pjesëmarrësit u njohën me të dhënat paraprake të studimit të realizuar nga EcoAlbania dhe Qendra EDEN mbi “varfërinë energjetike” dhe performancën e energjisë në qytetin e Tiranës, si dhe u bënë pjesë e diskutimit mbi mënyrat e interpretimit të këtyre të dhënave dhe hapave konkret që mund të ndërmerren për të adresuar problematikat e ngritura.

Përfaqësues të Këshillit Bashkiak shprehën interesin për të marrë informacion më të detajuar mbi studimin si dhe shprehën angazhimin për të ndërmarrë politika për lehtësimin e taksave të ndërtuesve që do të sjellin ndërtime më efiçente nga ana energjetike si dhe paraqitjen e problematikave të evidentuara nga studimi e më pas hapjen e diskutimeve me Bashkinë Tiranë në drejtim të përmirësimit të situatës.

Gjergji Simaku, Drejtor në Drejtorinë e Politikave dhe Strategjisë së Zhvillimit të Energjisë dhe Industrisë, pranë Ministrisë së Energjisë dhe Industrisë, u ndal në hapat që do të ndërmerren nga qeverisja në nivel qendror për të arritur standardet për efiçencën e energjisë në sektorin e ndërtesave dhe transportit. Ai vuri theksin në krijimin e “Agjencisë për Efiçencën e Energjisë”, një departament i ri brenda kësaj ministrie.

Përmes përgatitjes së audituesëve të energjisë, qeverisja qendrore parashikon krijimin e një regjistri kombëtar mbi efiçencën energjetike në ndërtesa. “Pasi të kryhet auditimi i ndërtesave, këto të fundit do të pajisen me çeritifikatën e energjisë dhe do të pasqyrohen në këtë regjistër.” – u shpreh Z. Simaku.

Nga ana tjetër, Z. Erjon Tase, Drejtor Ekzekutiv i Akademisë së Studimeve Politike, u ndal në problematikat dhe vështirësitë e këtij procesi. “Fondet, vonesa në koordinimin dhe zbatimin e planeve kombëtare, vonesa në kooordinim për përdorimin e investimeve të huaja dhe mungesa e stafit të përgatitur për të punuar mbi këto tematika, janë disa nga vështirësitë që Shqipëria përballet në përmbushjen e objektivave kombëtare për efiçencën e energjisë.” – tha ai.

Abaz Hodo, Nën-kryetar i Bashkisë Tiranë, ndau me pjesëmarrësit iniciativat e ndërmarra nga bashkia për ndriçimin e gjithë territorit të qytetit të Tiranës me llamba efiçente LED si dhe nismën për transportin publik përmes autobusëve apo taksive elektrike.

Ky takim organizohet nga EcoAlbania në kuadër të projektit “Së bashku – një sy për mjedisin” dhe mundësohet financiarisht nga Ambasada Suedeze nëpërmjet programit SENiOR-II i zbatuar nga Qendra Rajonale e Mjedisit – REC Shqipëri.

Nga Ita Angoni

Disclaimer: The consultation of this article can be made through its original source. The authorship and the opinion expressed pertain to their authors. While every effort are made by Esc Adriatic to ensure the accuracy of which publication, it is not intended to provide legal advice as individual situations may differ and should be discussed with an expert and/or lawyer. For any specific technical or legal advice on the information provided and related topics, we offer to direct communication through “info@albaniaenergy.org”.

Most Read Publications

Most Visit Sections

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.