Industria ndez motorët, rrit konsumin e energjisë, nga Revista Monitor, me 23 Gusht 2017

Industria në vend ndezi motorët gjatë këtij viti duke rritur prodhimin. Pothuajse të gjithë klientët e klasifikuar në tension të lartë kanë rritur konsumin e energjisë në katër muajt e parë të vitit, me të paktën 1.6 herë më shumë, çka automatikisht tregon në mënyrë indirekte për rritje të volumeve në prodhim.

Konsumi i kësaj kategorie ishte mbi 219 mijë megavat/orë në janar-prill 2017 duke u rritur me 1.6 herë krahasuar me të njëjtën periudhë të një viti më parë.

Konsumatori më i madh mbetet Kurum i cili një vit më parë nisi procedurat e falimentit por që pas ndërprerjes së prodhimit në muajt e parë të vitit të kaluar, i është rikthyer aktivitetit.

Edhe të dhënat e INSTAT reflektojnë një rritje të eksporteve në grupin e materiale ndërtimi dhe metale ku në 7 mujor rezultojnë në një vlerë 24.6 miliardë lekë me një rritje 40% në raport me një vit më parë. Kjo tregon se Kurum i është rikthyer eksporteve duke ndikuar treguesit në grup.

KURUM, ARMO dhe një klient i ri në listë

Kurum mban edhe rekordin e konsumit nga gjithë të tjerat me 69 mijë megavat/orë duke arritur kulmin e saj në prill. Rritje të konsumit të energjisë kanë shfaqur edhe tre prej kompanive që kanë në objekt të tyre prodhimin e çimentos.

ANTEA Cement rriti konsumin me 53 për qind krahasuar me një vit më përpara ndërkohë që Fushë-Krujë Cement Factory uli konsumin në 25 mijë megavat/orë nga 32.2 mijë megavat/orë.

Nga sektori minerar bie në sy një ulje e konsumit nga Albanian Chrome që operon në prodhim ndërkohe që kanë rritur konsumin dy operatorë përpunimi Ferro Chrome dhe Ferrokrom Burrel. Ky i fundit ka nisur aktivitetin në mars të këtij viti.

I fundit në listë është ARMO që gjatë vitit të kaluar për janar-prill nuk kishte aktivitet e për rrjedhojë as konsum energjie ndërkohë që me kalimin tek IRTC u bë e mundur edhe vënia në punë e rafinerisë.

Në katër muaj të 2017, IRTC ka konsumuar mbi 19.5 mijë megavat/orë për të përmbushur nevojat e saj në ushtrimin e aktivitetit.

Disclaimer: The consultation of this article can be made through its original source. The authorship and the opinion expressed pertain to their authors. While all the effort are made by Esc Adriatic to ensure the accuracy of this publication, it is not intended to provide legal advice as individual situations may differ and should be discussed with an expert and/or lawyer. For any specific technical or legal advice on the information provided and related topics, contact us through “info@albaniaenergy.org”.

Most Read Publications

Most Visit Sections

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.