HEC-et ende me interes për investitorët – Aplikim për Hidrocentralin e Koravit, pas 8 kërkesave për parqe fotovoltaike, Angelo Haruni/SCAN, 19 Gusht 2017

Impiantet e prodhimit të energjisë elektrike nga dielli kanë marrë një vëmendje të veçantë muajt e fundit, por kjo nuk ka zbehur interesin e bizneseve private për të investuar edhe në hidrocentrale.

Ministria e Energjisë dhe Industrisë njoftoi se pranë këtij institucioni ka mbërritur një aplikim për të ndërtuar një HEC me kapacitet prodhues deri në 2 MW.

Bëhet fjalë për hidrocentralin e Koravit, i cili do të vendoset në pellgun ujëmbledhës të përroit të Zallit dhe Qyrsakut, degë e lumit Shkumbin në Pogradec.

Shoqëria e interesuar është “Deliu 3D”, e cila vepron në fushën e shfrytëzimit të pasurive minerare, përpunimit të mineralit deri në produkt të gatshëm dhe tregtimit të tij. Kjo kompani operon edhe në ndërtimin e veprave të ndryshme ndërtimore, përfshirë hidrocentraleve apo çdo objekti tjetër për prodhimin, shitjen e transmetimin e energjisë.

Vlera e investimit nuk bëhet e ditur, por ky HEC pritet t’i shtohet mbi 140 hidrocentraleve të tjera të vogla me kapacitet nën 2MW.

Disclaimer: The consultation of this article can be made through its original source. The authorship and the opinion expressed pertain to their specific author. While every effort are made by Esc Adriatic to ensure the accuracy of which publication, it is not intended to provide legal advice as individual situations will differ and should be discussed with an expert and/or lawyer. For any specific technical or legal advice on the information provided and related topics, we offer to direct communication through the “info@albaniaenergy.org”.

Most Read Publications

Most Visit Sections

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.