Itali, dyfishohet energjia – Në korrik 45 euro për kWh, në gusht 85 euro për kwh, Roel Korkuti/SCAN, 06 Gusht 2017
I nxehti afrikan dhe thatësira e tejzgjatur ka gjeneruar një shtrenjtim të çmimeve të energjisë në Itali, deri në dyfishim. Kjo gjë po ndihet që në ditët e para nga kompanitë që e blejnë drejtpërdrejtë në bursë energjinë elektrike.
Për familjet, dyqanet dhe ndërmarrjet e vogla, dyfishimi i çmimeve të energjisë do të ndihet pas pushimeve, në muajt e vjeshtës, kur të vijnë faturat e para.
Kërkesa për energji ndërkohë mbetet mjaft e lartë, në 55.655 megavat, shumë pranë rekordit të vitit 2015. Ekspertët theksojnë se, në temperatura mbi 25 gradë kërkesa rritet mes 800 dhe 1000 megavat.
Parimi në këtë rast është shumë i thjeshtë, efekti i kërkesë-ofertës ka gjeneruar dyfishimin e çmimit të kilovatorës në bursë. Operatori publik i bursës së energjisë elektrike saktëson se, gjatë muajve qershor korrik, çmimi fiksohej në 45 euro për 1000 kw/h.
Vetëm në katër ditët e para të gushtit, çmimi është ngjitur në 85.17 euro, pra thuajse dy herë më i lartë.
Ditën e enjte ndërkohë, çmimi ka prekur nivelin e çmendur të 104 euro mesatarisht, ndërkohë që në orën e pikut arriti deri në 138.2 euro.
Ditën e Premte zbritën në 94.7 euro mesatarisht, pra 51 euro në orët e konsumit të ulët, dhe 120 euro pas orës 20.00.
Një pjesë e madhe e liqeneve ku funksionojnë digat janë boshatisur në masën 95% si pasojë e thatësirës.
Disclaimer: While every effort has been made to ensure the accuracy of this publication, it is not intended to provide legal advice as individual situations will differ and should be discussed with an expert and/or lawyer. For specific technical or legal advice on the information provided and related topics, please contact the editor at the “info@albaniaenergy.org”.
