OSSHE siguron energjinë për gushtin për 30 milionë euro, çmimi mesatar 69.8 euro/MWH, Revista Monitor, 28 Korrik 2017

Operatori i Shpërndarjes së Energjisë Elektrike njoftoi se ka siguruar energjinë për muajin gusht. Nga përllogaritjet rezulton që të jetë siguruar një sasi prej 434 mijë MWh dhe me një vlerë totale prej rreth 30 milionë eurosh (vlera nuk ka të përfshirë TVSH).

Çmimi mesatar për çdo megavat/orë të siguruar rezulton të jetë 69.8 euro. Ky çmim është më i lartë se ai me të cilin OSHEE bleu për muajin korrik, por i justifikuar me faktin që gushti ka një prirje historike për çmime më të larta. Në të kaluarën blerjet në momentin e fundit kanë shënuar edhe vlera më të larta deri në 100 euro/MWH.

Gjithsesi sigurimi i energjisë për gushtin duket se nuk ka qenë i lehtë. OSHEE bëri me dije se i janë dashur të paktën tre faza ftesash për oferta dhe negocim me kompanitë pjesëmarrëse.

“Duke qenë se nga ofertat e ardhura në fazën e parë, nuk ishte arritur sigurimi i sasisë së kërkuar për të optimizuar portofolin ekonomik të OSHEE sh.a., Komisioni i Blerjes vendosi të negociojë më të gjitha kompanitë për të rritur sasitë dhe për të ulur çmimin për njësi” thuhet në njoftimin e OSHEE.

E njëjta situatë është përsëritur edhe dy herë të tjera duke arritur më në fund që në fazën e tretë të arrihet sasia e kërkuar e energjisë.

Për periudhën 01-31 GUSHT 2017 u kualifikuan si fitues subjektet: “EFT AG”; “GSA shpk”; “GEN-I Tirana shpk”; “NOA Energy Trade”, “Devolli Hydropower – Statkraf”; “AXPO doo Beograd”; “AYEN Energy Trading”; “A&A Group of companies” dhe “HSE”.

“Shoqërisë EFT AG nuk iu pranua sasia prej 7 MW në profilin PEAK kurse shoqërisë GEN-I Tiranë nuk iu pranua sasia 5 MWh po në profilin PEAK. Kurse shoqëria GRID Energy nuk vazhdoi dhe u tërhoq që në fazën e dytë të negocimit. Totali i energjisë elektrike e ofruar dhe kërkuar për t’u blerë nga OSHEE sh.a. për periudhën 01-31 Gusht 2017 në profilin BAND (00:00 – 24:00) (24 orë) dhe PEAK 07:00 – 23:00 (16 orë) është 434,000 MWh” vlerëson OSHEE.

Në korrik kompania e shpërndarjes siguroi energji me një vlerë mbi 22 milionë euro ndërkohe që për gushtin pritej që importin ta bënte KESH përmes parave të siguruara nga kredia me Bankën Botërore. Banka nga ana tjetër nuk miratoi këtë procedurë duke lënë të hapur mundësinë që KESH të importojë në vijim por jo për muajin gusht.

Kompanitë me të cilat OSHEE nënshkroi kontratë për blerjen e energjisë në gusht – tabela importet e energjisë.

 

Disclaimer: While every effort has been made to ensure the accuracy of this publication, it is not intended to provide legal advice as individual situations will differ and should be discussed with an expert and/or lawyer. For specific technical or legal advice on the information provided and related topics, please contact the author at the “info@albaniaenergy.org”.

Most Read Publications

Most Visit Sections

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.