Dhënia me koncesion e HEC-eve – Shpallet gara edhe për “Bushtrica 4”, Scan, 21 Korrik 2017

Një muaj e gjysmë pas shpalljes së dokumenteve për dhënien me koncesion të Hidrocentralit Bushtrica 3, Ministria e Energjisë dhe Industrisë ka shpallur garën edhe për ndërtimin e hidrocentralit të radhës mbi lumin e Shkumbinit, atë të “Bushtrica 4”.

Palët e interesuara do të kenë 1 muaj kohë për të dorëzuar ofertat e tyre. Pas 21 Gushtit, MEI do të mbledhë ofertat e mbërritura në Agjencinë e Prokurimit Publik dhe do të bëjë vlerësimin, sipas një procedure me pikë.

Fuqia e instaluar është pjesë më e rëndësishme e ofertës dhe vlerësohet me 25 nga 100 pikë dhe ndiqet nga vlera e tarifës koncesionare (ose sasia në përqindje e energjisë elektrike që koncesionari i jep çdo vit shtetit) dhe analiza ekonomike e financiare. Të dyja këto kritere vlerësohen me nga 15 pikë.

Fituesi do të operojë me një kontratë koncesionare të formës BOT, pra do të ndërtojë dhe operojë HEC-in, për një periudhë prej 35 vitesh, e më pas ai do t’i kalojë qeverisë.

Vendndodhja ku do të ndërtohet centrali hidroenergjetik është mbi pellgun ujëmbledhës të lumit të Bushtricës, për pjesën nga kuota 1335 metra mbi nivelin e detit, deri në 820 metra mbi nivelin e detit.

Disclaimer: While every effort has been made to ensure the accuracy of this publication, it is not intended to provide legal advice as individual situations will differ and should be discussed with an expert and/or lawyer. For specific technical or legal advice on the information provided and related topics, please contact the editor at the “info@albaniaenergy.org”.

Most Read Publications

Most Visit Sections

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.