Energjia për korrikun – OSHEE blen me 57.2 euro/MWh, Nertila Maho/SCAN, 27 Qershor 2017
Operatori i Shpërndarjes së Energjisë Elektrike bëri me dije se ka shpallur ofertat fituese të kompanive që u ofruan në ankandin e kësaj të fundit për blerje energjie.
Kompania e shpërndarjes kërkoi që për periudhën 1 deri 31 korrik të blinte në tregun e parregulluar 260 400 megavat energji për të plotësuar kërkesën për konsum në vend duke i bashkangjitur kësaj sasie edhe pjesën shtesë që gjenerohet nga KESH sipas marrëveshjes që kanë operatorët.
Për blerjen e energjisë vetëm në korrik janë shpenzuar 14.8 milionë euro, çka e çon automatikisht çmimin për megavat/orë në 57.2 euro.
Sakaq OSHEE ka kërkuar import edhe për një sasi të kufizuar që do të plotësonte kërkesat për ditët e fundit të qershorit që çon në total vlerën e shpenzuar për import në 16.3 milionë euro.
Për të dyja lotet e tenderit shfaqën interes shtatë kompani. OSHEE arriti marrëveshje për pjesën e furnizimit në qershor me pesë kompani dhe për korrikun me 6 prej tyre.
Blerja e energjisë në tregun e parregulluar vjen në kushtet kur KESH ka përqendruar në menaxhimin e rezervës hidrike në kaskadë, ndërkohë që edhe koncesionarët e tjerë të hidrocentraleve në vend kanë parashikuar ulje të prodhimit.
Sasia e blerë 260 400 MW
Vlera për korrikun 14 897 120 mln euro
Çmimi mesatar 57,2 mwh
Disclaimer: While every effort has been made to ensure the accuracy of this publication, it is not intended to provide legal advice as individual situations will differ and should be discussed with an expert and/or lawyer. For specific technical or legal advice on the information provided and related topics, please contact the author at the “lorenc_gordani@albaniaenergy.org”.
