3 Maj, 2017 - ESC Adriatic

MEI-BERZH, memorandum për zhvillimin e energjisë diellore, Ora News, 03 May 2017 Ministri i Energjisë dhe Industrisë Damian Gjiknuri dhe Drejtori i BERZH në Shqipëri Matteo Colangeli nënshkruan sot në Tiranë një Memorandum Mirëkuptimi për nxitjen e investimeve të qëndrueshme për gjenerimin e energjisë diellore. Memorandumi parashikon zhvillimin e projekteve në Shqipëri përmes një sistemi me ankand, në përputhje me praktikat më të mira ndërkombëtare. Implementimi i planit të përcaktuar në Memorandum do të rrisë ndjeshëm interesin ndaj investimeve për gjenerimin e energjisë diellore në vend dhe si rrjedhojë do të reduktojë varësinë e Shqipërisë nga importi i energjisë dhe energjia hidrike. “Konkretisht bëhet fjalë për asistencën që do ti jepet Ministrisë së Energjisë për të organizuar ankandet për impiantet e prodhimit fotovoltaik si dhe mundësinë e mbështetjes financiare nga…

Rikonstruksion konvikteve – 2 mln euro shtesë për “Qytetin Studenti”, Elisabeta Dosku/SCAN, 02/05/2017 Rreth 2 milionë euro do të shkojnë për rikonstruksionin e konvikteve në Qytetin Studenti nr.1, sipas parimit të eficencës energjetike, duke krijuar kushte më të mira jetese për studentët. Ministri i Energjisë, Damian Gjiknuri dhe Ambasadorja gjermane Susanne Schutz kanë nënshkruar marrëveshjen për fazën e dytë të programit, financim i cili akordohet në formë granti nga qeveria gjermane. Ministria e Energjisë do të jetë institucioni që do të implementojë këtë projekt, ndërsa Bashkia e Tiranës, përfituese e tij. Faza e ndërtimit është parashikuar të fillojë vitin e ardhshëm dhe të zgjasë 18-24 muaj. [embed]https://www.youtube.com/watch?v=fY6dEPutgwY[/embed]